الدوري الانكليزي

... الدوري الانكليزي ...



عناصرنا الرئيسية للدوري ... كتيرة ... وكبيرة بنفس الوقت ...

فينا نقول انو صراع القمة ... رح ينحصر بين الخمسة الكبار ...

جايين بالحكي ...


- طبعا ... بالمقدمة بيجي مانشستر يونايتد ...







المان يونايتد .. الشياطين الحمر ... الفريق الكبير والعريق .. يلي رح يسعى انو يحقق لقب البرايمر ليغ للمرة التاسعه خلال الـ 12 سنة الماضيات !! ...

فريق مدجج بالنجوم ... بزعامة مدرب خبير وصائد للبطولات ... وإدارة رائعه ... وجمهور كبير كبير .. باختصار : فريق متكامل ...

ورغم الحادثة الأبرز يلي هي انتقال نجمو ديفيد بيكهام لريال مدريد .. واللي لحقها انتقال النجم التاني بالفريق فيرون لتشلسي ... الا انو اليكس فيرغسون مدرب الفريق ..بيراهن انو فريقو قادر على سد الفراغ .. وتعويض الغياب ... نظرا لوجود نجوم كبار من أمثال الهداف فان نيستلروي ... اللي حقق لقب الهداف الموسم الماضي بالبرايمر ليغ وبالشامبيونز ليغ ... لاعب كبيرة ومن طراز نادر :



نستل فان روي



عنا كمان روي كين، رايان غيغز، بول سكولز ، والنجم النرويجي سولسكيار صاحب الاهداف الحاسمة ..

وبيبقى السؤال .. ياترى رح يقدر فيرغسون مع مجموعتو الذهبية انو يحتفظ ببطولة الدوري هالموسم ؟؟؟




- الأرسنال ...







هالفريق اللندني الكبير ... يلي فقد اللقب الموسم الماضي لأسباب عديدة .. اصابات وقرارات تحكيمية وتفريط بنقاط غالية ... لحد ماطار اللقب لخصمو المان يونايتد ...

فريق المدفعجية (GUNNERS) ... متل مابيحبو ينادولو عشاقو ... اكتفى بنفس تشكيلتو بالموسم الماضي .. وعالأغلب هالشي كان بسبب الضائقة المادية يلي عم يعاني منها الفريق .. لأنو بصدد انشاء ملعبو الجديد يلي كلفو بلاوي زرقا ...

تشكيلة الارسنال تشكيلة رهيبة .. والمدرب القدير فينغر قدام خيارات كتيرة .... بالمقدمة بيجي النجم الفرنسي تييري هنري .. هداف الفريق وافضل صانع ألعاب .. بيسموه الغزال الذهبي :



تيري هنري




وكمان عنا سول كامبل , والفرنسي روبير بيريس ، الخبرة الهولندية بيركامب ، أشلي كول ، باتريك فييرا ...










ابو السوم
عرض الملف الشخصي العام
إرسال رسالة خاصة إلى ابو السوم
إيجاد جميع المشاركات للعضو ابو السوم
إضافة ابو السوم لـقائمة أصدقائك



- تشلسي ..



هالفريق اللندني يلي عمل ضجة كبيرة هالصيف هاد .. الضجة تمثلت بانو صار يشتري ابرز اللاعبين عالساحه اشترى كل شي بيقدر يشتريه ... وكأنو غير جلدو تماما ... ولسان حالو عم يقول : هلأ جينا ...

مدرب تشلسي مدرب هادئ ... وهو الايطالي رانيري ... صاحب انجازات كبيرة ... بس لازم يدير بالو هو ومجموعتو لأنو مطالب بنتائج أكثر من ممتازة ... لحتى مايركبولو جناحات ويطير فيهون ...

أبرز عناصر الـ BLUES ... هو النجم الروماني أدريان موتو ... نجم خطير وهداف بارع .. طبعا دون ماننسى الرائع فيرون المنتقل من المان يونايتد لتشلسي هالموسم ... بالاضافة لـ هاسلبانك المهاجم الخطير .. والكاميروني جيريمي ...


- ليفربول

.. وقصة طويلة مع البرايمر ليغ ...








ليفربول او الـ REDS ... رح يسعى هالموسم انو يحقق بطولة البرايمر ليغ بعد غياب 14 سنة ... بالموسم الماضي طلع خالي الوفاض متل مابيقولو ... لاقدر يحجز مكان بالشامبيونز ليغ ... ولا قدر يحقق لقب البرايمر ليغ بالرغم من انو تصدر الترتيب بالبداية !!!

جيرارد هولييه ... هو مدرب ليفربول ... مدرب تكتيكي وشاطر .. بيسموه صاحب خماسية 2001 الشهيرة ... وهو بالفعل مطالب هالموسم بشي أكتر من مركز متقدم بالبرايمر ليغ !!

أبرز نجوم ليفرول على الاطلاق هو فتى انكلترا المدلل مايكل اوين ... اللاعب يلي صعد بسرعة الصاروخ ... ودايما بيقولو : اذا كان اوين بخير ... ليفربول بخير !! ...








بينضم لقائمة نجوم ليفربول اللاعب الكبير سامي هيبيا قائد الفريق ، ستيفان جيرارد ... والمهاجم ايميل هسكي ...

نيوكاسل يونايتد






برغم انو خزينتو فاضية من عشر سنين بلا بطولات ... الا انو ناوي هالموسم يعيد امجاد القلعة ... وهالشي وضح بالموسم الماضي يلي حقق فيه الفريق المركز التالت ...

الـ MAGPIES تحت راية المدرب بوبي روبسون ... صاحب الخبرة العريضة ... مدرب تكتيكي من طراز نادر جدا ... قادر بانو يخلقلك الف خطة .. بتسعين دقيقة !!

طبعا ... بس ذكرنا اسم نيوكاسل .. رح يتبادر لذهننا دغري .. أبرز اللاعبين بهالفريق وهو آلن شيرر ... الهداف المخضرم .. يلي بيتعقد عليه جماهير الفريق الشي الكتير لاستعادة الأمجاد ... أمجاد نيوكاسل ...






بالاضافة لشيرر ... في شاي غيفن، و لوران روبير ... هدول ابرز لاعبين الفريق ...




ومع كل موسم ... بيبدأ صراع مفتوح ... للفوز بلقب البرايمر ليغ ... هاللقب الغالي على كل فريق ...

طبعا ماننسى أندية الوسط بهالدوري ... يلي بتتصارع لحجز مقاعد البطولات الأوروبية ... متل مانشتر سيتي .. وتوتنهام ... وليدز يونايتد .. واستون فيلا ... وايفرتون ...


وهيك بنكون خلصنا لمحة عن عناصر هالدوري خلوكون معنا لتعرفوا





bluesky
عرض الملف الشخصي العام
إرسال رسالة خاصة إلى bluesky
إيجاد جميع المشاركات للعضو bluesky
إضافة bluesky لـقائمة أصدقائك




وصيف البطل السنة الماضية الأرسنال ابتدا

مبارياته بفوز على ايفرتون بنتيجة 2×1

أما ليفربول فعمل العكس وخسر قدام

فريق راجع بقوة هالموسم ويلي هو تشيلسي وخسر بنتيجة 2×1

أما بطل الموسم الماضي

مانشستر يونايتد فيبدو انو ما تأثر

بغياب ديفيد بيكهام كتير لحد هلأ وفاز على بولتون 4×0

ليستر سيتي تعادل مع ثاوثهامبتون 2×2

بيرمنغهام فاز على توتنهام 1×0

بورتسماوث الصاعد حديثا للدوري الممتاز فاز على فيلا بنتيجة 2×1

بلاكبيرن حقق فوز كبير على وولفز بنتيجة5×1

وكمان فولهام فاز على ميدلزبرة 3×2

مانشستر سيتي فازعلى تشارلتون بنتيجة كبيرة وعم يحاول يستعيد

أمجادوا هالموسم فاز بنتيجة 3×0

مهل مباراة قمة اذا فينا نقول بين


ليدز ونيوكاسل يونايتد وانتهت بنتيجة مرضية للطرفين 2×2

وبهيك بنكون خلصنا المر حلة الأولى من هالدوري..

واكيد حنكمل بالمرحلة التانية مع أبو السوم فخليكون معنا ..

وتقبلو تحيات المطبخ الرياضي ،،،